Lupah Sug

Pearl of the Orient Seas

Padduman Salsila Sin Lupah Sug

CHAPTER – MANGA KAMAWMAASAN IBAN KAAPU-AN NATUH NAKA-UNA

1876 Spanish expedition to Jolo

1876 Spanish expedition to Lupah Sug

BISMILLAHIR RAHMANIR RAHIM. In ini siyulat pa bahasa natuh hasupaya in batah iskul dih na kahunitan humati misan sila ampa naman makabassa. Iban siyulat ini hasupaya sila dih na makananam sin liyabayan natuh walah nakabassa marayaw sin kissa sin kamaasan iban sin hulah natuh. Pabuntula niyu ra kuman in hinangan ini sampay na bahasa niya pasal bukun da kita biyaksa tuud ha pagsulat iban pag-tausug. Bang man ini aun da padduman natuh hisiyu siyu na in mag-guna iban mabayah mangadjih.

Piyarrak ta in salsila natuh bat da maluhay hatihun. Iban tiyurun ta na sadja ha tiranan sin ngan sin sila naka-una pa hulah natuh. Sila amuin nagkahinang tawmaas sin hulah atawa nagda sin panji sin hulah salih da ha waktu sin bunuh iban bukun. Mahuli ra kuman hilamud in manga kakissa-kissahan kaibanan.

Part 1- PRE-SULTANATE ERA

1. TUAN MASHAYKA – Ha salsila hambuuk auliyah*1 sataas-taas in apuh natuh ini. Na-asawa Niya in anak sin nakurah sin Lupah Sug naka-una pag-nganan Rajah Siripada. Aun tubuh niya in manga ngan hinda Tuan Hakim, Tuan Maumin iban Aisha.

2. RAJAH SIRIPADA- Biyah jari ngan Indian. Ha salsila nakalamud in katilingkal Pilipinas ha sakupan sin Madjapahit Empire. Ha gimba in Maas natuh ini naghuhulah.

3. TUAN MAQBALU – Yan masi in kubul niya ha Bud Datu. Patta-a niyu katuh, subay natuh yan ayaran. Tandah sin salsila sin hulah. Kiyakubul siya ha Bud Datu ha tahun 1310 (710 AH-naka-ukkil ha sunduk niya). Daing siya ha hulah malayuh pasal nakalukis ha kubul in manga ini:

“Hadis sin Nabi (SAW): Hisiyu-siyu in miyatay ha hulah malayuh in siya shahid. Iyukuman sin Allah in Shahid Tuhan Maqbalu ha Bulan Rajab. Bang man sin Allah pakusugun pa in karamat niya. Tahun 710 A.H.)”

4. TUAN KARIMUL MAHADUM*2 – Daing siya ini ha hulah Yaman (Yemen). Nangislam pa Lupah Sug ha tahun 1380. Nakahapit ha Tapul sin Sung pa Simunul. Nagpatindug Masjid ha Tubig Indangan. Yan masi in hag iyusal niya ha gihtungan masjid nagtitindug sampay pa bihaun. Yan in kubul niya ha Tandu Banak, Sibutu. Hambuuk baytah yan ha Simunul.

5. TUAN ABDURAHMAN (MAHADUM) – Yan in tampat ha Bud Tapul.
6. TUAN MAHADUM AMINULLAH– Yan in tampat niya ha Bud Agad.
7. SHARIF ALAWI BALPAKI – Yan in tampat niya ha Tubig Dakulah.

8. RAJAH BAGUINDA (Title not his name) – Dimatung pa Lupah Sug tahun 1390. Daing in maas natuh ini ha hulah Palembang, Sumatra. Nakahapit ha Brunei ampa piya Lupah Sug. Sah nakalabay naa muna laung sin salsila ha Samboangan iban Basihlan ampa nakaratung pa Sug.Nahinang nakurah sin hulah.

9. PADUKA BATARA (Eastern King)- Nakabisita pa Emperor sin China. Hiyulmat sila marayaw. Namaruhum siya didtu ha China ha lugal in ngan niya Te-Chou (Shantung Province).
Didtu na siya kiyakubul ha tahun 1417. Biyah Luneta ha China in kubul niya ini, hambuuk Park jiyajagahan iban liyalanuan.
10. MAHARAJA (Western King)- Iban sin Paduka Batara piya- China sin 1417.
11. PADUKA PRABU (King of the Mountain)- Iban sin Paduka Batara piya- China in 1417.

SULTANATE ERA (1450-1936)

1. SHEIKH ABUBAKAR – Dimatung pa Sug tahun 1450. Nahinang Sultan ubus giyantian niya in ngan niya pa Paduka Mahasari Maulana Al-Sultan Shariful Hashim. Pasalan tubuh siya sin Nabi. A-lim iban auliyah in Sultan ini.

2. SULTAN KAMALUDDIN (1480-1519) –Laung sin salsila mamura in Sultan ini iban maulung ha manga raayat niya.
3. SULTAN ‘ALA’UDDIN- Taymanghud hi Sultan Kamaluddin. Marayaw nakurah iban sarah sin agama Islam in padduman niya niya.
4. SULTAN AMIRUL ‘UMARA- Apuh sin Sultan Shariful Hashim. Champion sin Agama Islam. Way Tausug manjari magbunuh magkahi ha waktu niya nag-sultan, siya in maatu. Pasalan dih siya mabayah sin magpawli amupa mag-dangaw.
5. SULTAN MU’IZZUL MUTAWADI’IN- Nagulal Maharaja Upo. Malasa ha tau miskin.
6. SULTAN NASIRUD DIN I- Daing ha gimba nag-sultan hangkan natawag Sultan Habud.

lapu-lapu

Rajah Rajiki or Lapu-Lapu

7. ILIJI RAJIKI ( Lapu-Lapu or Kali Pulaku)*– Maingat bunga lima, Silatan. Napatay niya
hi Magellan ha hulah Mactan. Nakapaguy pa hulah Spain nagbalik in manga kastilah.

8. SULTAN MUHAMMADUL HALIM (1558-1585)- Nagulal da isab Pangiran Buddiman.
9. SULTAN BATARA SHEH TENGA (1585-1600)-A-lim in Sultan ini, naka-pangadjih sin agama Islam marayaw. Kalasahan siya sin tau.
10. SULTAN MAWALLIL WASIT or Rajah Bongsu (1600-1640)-Maingat in Sultan ini. Sartah malugay siya ha kawasa niya. Imatu iban nagbaran nagbunuh iban Kastilah.
11. SULTAN NASIRUD-DIN II (1640-1658)-Auliyah in Sultan ini hs baytah.

12. SULTAN SALAHUD-DIN BAKHTIAR (1658-1663)- Auliyah iban maisug ha satruh sin Islam in Sultan ini. Ha waktu niya na kiyatukbal sin Sultan sin Brunei Sultan Abdul Haqqul Mubin in Sabah pa Lupah Sug ha tahun 1658.

13. APUH  ILIDJI (1675)- Gagandilan sin bunuh ha Brunei. Siya in sabab bang maytah kiyadihil in Sabah pa Lupah Sug.

14. BUTIG RAJAH DALASI – In baytah siya in nakaraug sin Fort Pilar ha tahun 1720.*

15. SULTAN ‘ALI SHAH- Walah diyaug ha pagbunu-an in Sultan ini. Mapatibabah sah in tawag sin tau kaniya Sultan sataas-taas. Namaruhum miskin in Sultan natuh ini pasalan in kadaya niya ha manga tau miskin niya katan deposit. Misan kunuh piyag-saput sah piyag-tabangan. Sak isab. Allah Yarham!

16. SULTANA NURUL ‘AZAM (Pangyan Ampay or Sitti Kabil)- ‘did not like proud people’in agi.
17. SULTAN AL-HAQUNU IBN WALI UL-AHAD- Pangtungud sin Sultan Salah ud-Din.
18.SULTAN SHAHABUD-DIN- Anak sin Sultan Salahuddin. Di kaniya timagnah in pag-collect sukay ha North Borneo (Sabah) sin Tahun 1693.

19. SULTAN MUSTAFA SHAFI UD-DIN Known as Juhan Pahallawan. Manghud sin Sultan Shahabuddin. Mapantuk ha Shari’ah. Atas niya tiyukbal way kaunu-unu in pag-sultan ha manghud niya hi Badar ud-Din daing sin magkalu. Usug marayaw ini, bang kamu?

20. SULTAN BADARUD-DIN I (1704-1734)- Qur-an in piyamarinta sin Sultan ini. Namaruhum siya ha Dungun.
21. SULTAN NASARUD-DIN (1734-1735)- Ha Maimbung kiyakubul.
22. SULTAN ‘AZIMUD-DIN or Sultan Alimuddin I(1735-1748 and 1763-1773) – Anak sin Sultan Badaruddin. Biyahgu niya in sarah sin hulah. Nakahinang siya Tausug-Arabic Dictionary. Nag-sign siya treaty iban Kastilah sin tahun 1737. Naawun in kasanyangan ha hulah. Sah in King Philip V nagpara kapari-an pa Lupah Sug ha waktu yan. Diyugalan in kamata-uran tau, sampay kiyaganti-an siya sin langgung niya hi Sultan Bantilan.

Manjari in Sultan Azimuddin I piya Samboangan naa muna, bahasa pa bagay niya maksud similuh-siluh daing ha hiluhalah. Sumugawah siyaggaw siya kaagi hi Governor Abando, ampa siya piyara ha parih pa Manilah. Didtu na siya na-jail iban biyap-taysan nasrani.

Bukun hi Maas Hadji Misuari in naka-una natipu sin satruh. Kalu way na sumunud kanila ha susungun masa.

Hi Sultan Azimuddin I nakabalik da pa Sug ha waktu nara-ug sin British in Kastilah ha Manilah. Nakapag-sultan da siya nagbalik. “As gesture of gratitude, Sulu Sultan Alim ud-Din I leased his dominion in North Borneo to a British company for exclusive trading privileges and signed a mutual defense pact with the British Crown that included
the establishment of a military base in Sulu.*”

Ha tahun 1769, Hi Sultan Azimud-Din I namahuli ha manga Kastilah ha Visayas iban Luzon. Nagka-abut nila in Malate. Amuna in kaawun sin“Intramuros”.

23. SULTAN BANTILAN or Mu’izuddin (1748-1763)– Pirit niya in treaty iban Kastilah ha tahun 1737. Diya niya in bunuh iban Kastilah pa hulah Visayas iban Luzon bukun pila tahun.Dih na kamu suyan, taymanghud sin tau halaum jail.
24. SULTAN MUHAMMAD ISRA’IL (1773-1778) – Anak siya sin Sultan Alimuddin I. Miyatay kunuh lassun.
25. SULTAN AZIMUDDIN II –Pagdatung sin ama-un niya hi Sultan Azimuddin I daing ha Manilah, tiyukbal niya ra isab magtuy in pag-sultan pa maas niya. Ampa na siya himulah ha Parang.

26. DATU TATING – Nagbunuh iban British daing ha tahun 1775 – 1805. Siya in sabab bang maytah naruy in manga British daing ha Lupah Sug.

27. APUH PANGLIMA SAYADI – Diya sin Apuh natuh ini daing ha Tapul nagtummih in Kastilah.Di in bunuh agad biyah da bunuh ha Bud Dahu iban Bud Bagsak in hantang niya. (The first “Bud Dahu and Bud Bagsak” type of battle was in Tapul. Apuh Panglima Sayadi led his Warriors against the Spaniards in a fight that lasted months. The battle
killed many Spanish soldiers, damaged most of their ships and drained their resources.He and his warriors fought the Spaniards to the last man.)

28. SULTAN SHARAF UD-DIN – Anak sin Sultan Azimuddin I. Mapatibaba-un in Sultan ini.
29. SULTAN ‘AZIMUDDIN III- Anak sin Sultan Sharafuddin. 40 adlaw ra namarinta.
30. SULTAN ALI’UD-DIN – Manghud sin Sultan Azimuddin III. Qur’an in sarah niya ha hulah.
31. SULTAN SHAKIRULLAH (Datu Sakilan)- Taymanghud sin Sultan Ali’uddin. Mapantuk ha ilmuh Tawhid in sultan ini. Masuuk (close) in manga raayat kaniya.
32. SULTAN JAMALUL KIRAM I(1823-1844)- Kalasahan sin raayat in sultan ini. Masub mangadjih.
33. SULTAN MUHAMMAD FADL or Sultan Pulalun (1844-1862)–Anak sin Sultan Jamalul Kiram I. Ha waktu niya na naraug sin Kastilah in Tongkil pasal awun na gunboats sin kastila ha waktu Yan .Ha Tongkil nakabutang in Naval power sin sultan laung sin salsila.
34. SULTAN JAMALUL A’ZAM(1863-1881) – Anak sin Sultan Pulalun. “Ha tahun 1878 M in North Borneo kiyasanda’ (Padjak) pa kompani sin British kaagi hi Sultan Jamalul Alam @ A’zam ibni Sultan Muhammad Fadl Pulalun ha sa’bu in lupa’ Sug nag bubunu’ iban Kastila’.”*3.

1932picofSulatansPalaceinmAimbungbeforetyphoon

Astanah sin Sultan ha Maimbung, Lupah Sug-1932

35. SULTAN BADARUDDIN II (1881-1884)- Anak sin Sultan Jamalul A’zam. Nakapag-hajji in sultan ini. Siya in nagpatindug sin Masjid Jami’((Masjid Tulay). Salih da kitaniyu, ampa ku ra isab sa ini kiya-ingatan hisiyu in nagnakurah ha kaawun sin Masjid Tulay naka-una.

36. SULTAN JAMALUL KIRAM II – Manghud sin Sultan Badaruddin II. Aun kiyalukis sin manga sila naka-pangadjih marayaw sin salsila natuh hatiniya, in hulah natuh Lupah Sug maka-ajayib in taud sin pangaltah. Ampa ka-unun sin akkal pasal gatus tahun in lugay sin hulah natuh nahinang “center” sin pag-usaha sin timpu naka-una, hatiniya dayahan in hulah natuh. Mataud da isab manga “evidence” sin salsila ini. Bassahun natuh marayaw in baytah nila pasalan wayruun panghati sin kamata-uran katuh ha ini asal da isab nangadjih na kitaniyu salsila.

“Ha tahun 1936 nawafat hi Sultan Jamalul Kiram-II ibni sultan Jamalul A’zam pagubus niya sadja nagtukbal sin bulawan punud 617,500 Tone Metric Gold Barr pa duwa Trustee. In trustee amuna hi Padri Antonio Dias @ Co. Severino Garcia Sta Romana iban hi Prince Julian Mac Leod Tallano (anak hi Baron Overback Raja of Sandakan). In alta’ ini kiyatukbal sabab magbisnis, makahati kaw diyupang na isab sin satru’.”*4

Nara ra isab sin Kastilah nag-janjih in Sultan Kiram II ini ha tahun 1878 naghagpay man in bunuh. Hangkan na naawun in ”lease” sin port of Jolo ha July 22, 1878. Amuna in kaawum sin Walled City, natawag na nila Tiyangge in Sug.

Ha waktu sin pagsultan ini, kiyakitaan na sin Kastilah in hal hiyuwal sin Bangsa natuh amuin magkalu magtaymanghud, magpatay magkahi, mag-agaw kawasa. Bukun malugay nakalamud na in Kastilah nagpakalu sampay nagpih na sin sultan dapitan nila. Awun pa sultan sila in nagtukbal trono atawa kawasa.

Hi Sultan Kiram II tiyawag hi General Emilio Aguinaldo “great and powerful brother” ha sulat niya ha waktu sila nagpa-awun sin hulah Pilipinas na bihaun. Malagguh ini tandah sin kamahardikaan sin Lupah Sug.

In Bates Treaty naawun ha waktu ra isab sin sultan ini ha August 20, 1899. Way tuud panghati sin mawmaas natuh kailu sin diyaragang na sila sin Kastila pa Milikan sin December 10, 1898 pa ha pagtawagun nila Treaty of Paris. Hikaruwa niya, dugaing in nakalukis parjanjian ha katas sin Milikan dugaing in ha Sultan natuh ha baytah sin makahati. Hikatu niya, asal planu ra sin Milikan mangakkal pasal nabibi na nila in Pilipinas lapay in Mindanao iban Sulu. Ha waktu ini makusug pa in bunuh nila iban hinda General Aguinaldo ha Luzon, ubus in re-enforcement sin Milikan ha waktu ini way pa baya-baya dumatung daing ha hulah nila. Pagdatung amun pirit nila na in katas Bates Treaty.

Sumagawah misan pa bihadtu, in Treaty ini hambuuk tandah malagguh sin mahardikah in Lupah Sug pasal in agreement matawag sadja treaty bang daing ha hulah pa hulah mahardikah salih-salih in mag-sign. Ampa in agreement nila “dih langpasan in kamahardikaan sin Lupah Sug.”

Timubtub na di kan Sultan Jamalul Kiram II in pagkawasa sin kasultanan pasalan nag-sign na sila iban Milikan sin pagtagun “Carpenter’s Agreement” ha March 2, 1915. Hatiniya, mabah na in Sultan ha kawasa niya.

Ha waktu ini, in nagkurah dima sin panji sin Lupah Sug amuna in manga tau gimba, sakarang pa adlaw ini. Hangkan na naabut sin kaapu-an natuh nagsabil ha Bud Dahu iban ha Bud Bagsak, pasal wayna laung nila pus sin kabuhih bang in pag-agama kumangih. Pag-ubus sin bunuh ha Bud Dahu siyunuran sin ha Bud Bagsak, naglupus na in manga karatu-an. Hangkan na sampay pa bihaun mataud masi datuh sah way natuh na kiyahatihan sin datuh sila. In kaibanan nagma-adjul na pa kahulah hulaan , pa kapu-an sin Basilan, Tawi-Tawi iban Sabah.

Misan bihadtu mahuli ra kuman in kaibanan chapter sin kitab natuh susungun yan.

Ghafarallahu liy walakum ya ahlus-suluk!Maap kaniyu katan, mawmaas taymanghud. Wassalamu’Alaykum Warahmatullah!

For the TN Tausug Online Community
Property of Lupah Sug
29 January 2009

Ampa hinangun:AMERICAN ERA (1899-1946) /PHILIPPINE ERA – PRESENT
———————–
Footnotes:
*1-Nahinang natuh na bahasa in auliyah hangka tau ra. Bukun siya jamah sin Arabic Wali.
*2- Damikkiyan in Mahadum nahinang na bahasa natuh. Amu ini in dilah sin kamaasan natuh.
*3- http://taymanghud.blogspot.com/2008/10/dusa-sin-filipinas-pa-raayat-sulu.html
*4-ibid
Sources:
* -Muslims in the Philippines by Dr. Cesar Adib Majul (Main source)
*http://www.mb.com.ph/issues/2004/04/27/OPED200404278218.html
* http://www.seasite.niu.edu/Tagalog/Modules/Modules/MuslimMindanao/historical_timeline_of_the_royal.htm
*http://www.bangsamoro.info/royalty/royalty_1893.html

5 Responses to “Padduman Salsila Sin Lupah Sug”

  1. Abu Hmad said

    Salam,

    sarang in hantap iban lingkat sin sarasila ini

  2. Batah Basilan Tubuh Sug said

    Magsukur ha mga nakapikil magpahati sin sarsila sin hulah natuh, magayuh kami duwa’a pa ALLAH pahabaun pa in umul niyu supaya kahatihan sin kami in kahalan sin waktu limabay.

    Tattap subay natuh pikilun sartah hitawu ha bigi jantung in satru asal dain pa ha tagnah sa mata-mata kuntara sin kita niyu.

    sartah patumtum agi sin sila taga panghati;” TARTANTUH DI KITA NIYU LASAHUN SIN SILA AMUIN SIMUSULANG HA AGAMA ISLAM SAHINGGA DI KITA NIYU MABIYAH KANILA” wallahu alam.

  3. HJJRJ said

    Tuboh Tao Tapul Said Assalamualaykum,magsukul taymanghud,bang mu way kiyalukis in kissa ini,kalna sin ALLAH,dih namu kahatihan marayaw,in Panglima SAYYADI kiya record in pagbunoh niya iban sin kastila,iban sin Panglima ILIJI amun diya sin sultan piyapag bunoh pa brunei,in Panglima ILIJI ini amuna tuwih in LAPU-LAPU,bunnal tuwi in kissa sin kaapuan namu,Jazakalla,,,

  4. Themhar hammiri said

    Magsukol ha mga limukis sin kissa ha mga kamaasan ntuh nka una;;;;allahuakbar;;

  5. Magsukul tuud ha limukis sin kissa ini, bihayaun aun na maurul dan magbalik pa limabay ha kamaasan natuh. Anduh, sarang kitaniyu ha bihayaun, ayaran daisab in hulah, bangsa- agama biyah sin mga sila nasabbut ha salsila ini. Mahuli, Jazakallah khairan…

    May I also get the attention of:

    Tuboh Tao Tapul

    it is JazakAllah KHAIR not JazakAllah
    this is a general information for some brothers & sisters who say “JazakAllah” when someone does something good for them or in general…

    saying only “JazakAllah” means “may Allah award you” and not “may Allah REward you”, so it could be anything…Allay may award someone with a that also suggest like a punishment…

    “JazakAllah Khair” means “may Allah reward you”, which is the right thing to say..

    just an information i wanted 2 share…

    Assalamualaikum…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: